Hæ Gunna´ nau køjen for uen æ cyk`l....

FIDDE: Do  Heine  -  hva ska  do å Midde  ha´å knau  tæ´ nytÅ

HEINE: Vi ska´ha  kolega  tæ dæ Fidde.

FIDDE: Jen va få  naue ???

HEINE: En stoe  torsk sæfølle -  mæ æ hel svineri

FIDDE: Å erbsen kompot?

HEINE: Selfølle-  Å tæ nachtisch ska vi ha en BENNY!

FIDDE: Jen va få jen

HEINE:  Wackel pudding  med røe kram auen å.

FIDDE: NÅ-e  Han gør´t nå  it så ring.

HEINE: Hva men do?

FIDDE: Jah i æ forhol tæ han kuns hæ gau i skole et par Å - å så dæh-eve  å Amache!

HEINE:  NÅååååå

FIDDE: Æ troe do sammenlignet ham mæ Pæ Christensen frå Venstre?

HEINE: Nej så haj æ da såe han gøjet richte, richte richte- galt godt…

FIDDE: Å i  forhold tæ  Ellen Trane

HEINE: Jah - hun æ nå kømme så lant bach ue, ette hun hæ føj, - i æ meningsmålinger--, tæ Gunna` Avis, æ  blev nø te å gi hin en gratis bachsie i sin avis -  vå hun wünshe olle en god wechnachten og et godt nytÅ.

FIDDE: jah dæ ska da  nok  ændre en hel masse.

HEINE: Mæn  do i forhold tæ Gunnar Avis???

FIDDE: Æ han it begynt å cykel å arbe?

Heine og Fidde- glotsche æ bæstt upfinnels sin æ rad?

 

Heine og Fidde å æ bænk......

FIDDE: Nå Heine haust do nå  å fæk stæmt richte  æ gåe?

HEINE: Jah, såen da?

FIDDE: Hvodan dæ?

HEINE: Jo Æ va jo æ lette vedde  unsicher å hvæm dæ dæn gang sku ha mit krys.

FIDDE: Va væhl do så

 HEINE: Æ hai tænt  Æ vi præv å stæmt å æ ynnebaus pati

FIDDE: Æ tøs it Æ så nauen dæ va opstille få dæm.

HEINE: Jo do ve da Lars  Løkke Ynnebaus  - Links 

FIDDE: Tø´ do vilchle stæm å  hams parti – dæ ka jo æhn mæ de køf tøj for olle vos pæng.

HEINE:  Æ tøs nå tæ  Ulla Tøj-næs  va ganske vel å klæje å de bille  Æ hæ seje a hin- 

FIDDE: Joh men piche de bruche jo mest pæng å  fusse-tøj

HEINE: Nå  æ dæ dæfå de kun vis et bryst-bille a hin?

FIDDE: Ja hun hæ sikkert sån et pa farre Glotsche å som olle fedt ræv  nå renne i !

HEINE: Hva men do mæ dæ?

FIDDE: Jah- mm  Æ haj it lich seje  te do å haj fåt såen par preisverte schue  Heine.

HEINE: Nå ska do it væ  stjafe  – dæ æ jo den bæstt upfinnels sin æ  rad Fidde! 

FIDDE: Hva fik do da stæmt 

HEINE: Ja dæ æhn mæ æ  flug-zug  parti

FIDDE: Hvæm ?

HEINE: Ja ham dæ Messeschmidt han va dæn sist muliched å stæmpapir

FIDDE: Hva stæmt då væ æ Patent –sessel?

HEINE:  Æ ve it

FIDDE: Ka do ist haus tæ bach tæ æ gåe?

HEINE: Joh Æ stæmt - Æ ve it -  Æ sat krydt væ båe ja og nej

FIDDE: Ja  sin Æ den jo ugylle-

HEINE: Dæ ka do se- dæ æ  it plas,  tæ vos  væchelsinne  nauen steje meje!

Heine og Fidde å Dyffel

 Heine å Fidde å Æ Bænk

Heine: Va´do op å Dyffel æ gåe?

Fidde: Æ va  dæ mæ  Midde

Heine: Æ tøs da it Æ sååå  jæ

Fidde: Vi  stau nen Æ bach  mæ  Gunna  Avis

Heine: Nå haj han ti tæ å væ  dæ?

Fidde: Vå-få sku ha it ha ti tæ dæ da?

Heine: Han hæ da  grau traffel  mæ å kras  neje  um  æ hochschule.

Fidde: Sin  hæ han vel bae tau sæ en fridau fra dæ.

Heine: Tøs då det va manne å kich  Å æ gåe i Dyffel?

Fidde:  Ja  jyskevest ugavredaktøje skræv da føst  æve  15 tusind si´n blæv dæ sat nen   tæ 12. 

Heine: Æ hæ tæ morn løjst de haj skrevn dæ  va manne tusin.

Fidde: Ja jen to  manne – dæ  kinne æ gåt. 

Heine Men  Æ  königin vad æ,  å  Helle Selfi  - ja å  KARL!

Fidde: Ja vå tø han da vovve å  køm tæ Synneborre ette dæ mæ æ Krankehaus?

Heine: Ja enten æ han dum, eller haj han hoft å et fåto gemeinsam mæ Helle selfi

Fidde: JA sin ku han da haj kømmen i æ fotobuch mæ  obama å ham dæ  fra No 10

Heine Haj han it da æ kuhn mæ?

Fidde: Joh dæ haj Obama  da  å i Johannesborre- 

Heine: Helle skye ingen midlé få et Selfi mæ jen a di køhn.